《肯亞的南美日誌-巴西 Slack Line》
9月既里約熱內盧同我想像中完全唔同，杳無人烟既沙灘混雜陣陣冷風，果一刻既心情就好似呢張相既天色一樣，灰到爆。但天無絕人之路，竟然係沙灘上比我遇到幾個壯男(絕對唔係重點）玩緊巴西好有名氣既Slack Line！人在異地，膽都特別大，即卡上前狗衝去玩過下癮。
如果你問我第一次玩有咩感覺，我會話其實唔難。（如果比一個星期我練既話）條帶係一條大約2/3隻腳掌禁粗既橡筋，綁係2棵樹之間就可以係上面又彈又跳，做出唔同既花式。當然我可以係上面行到幾步已經好開心，最難既係條帶有反彈力，大力小小都會一野彈你落地，唸起依家個屁屁都重陰陰痛。
或者真係揀錯月份黎RIO ，但如果沙灘唔係禁小人，我又未必有機會可以玩到巴西名物SlankLine，所以話塞翁失馬焉知非福，未知既旅程，讓我重新演繹寒風中既里約熱內盧。
Search